top of page

DEPARTMENT OF EDUCATION

2021 kum, ukna buluhna hong pian teh Zogam le Kawlgam pan ukna buluhna zunglot ding Zomite mapan khopna Zomi Federal Union hong piangkhia hi. Ukna buluh khit ciang public services ahi cidamna, pilsinna le vai dang tampi kizomthei nawn lo ahih manin naupangte in pilsinna hong supbeh toto uh hi. Naupangte pilsinna zoptheih nading a hi thei bang panpih dingin ZFU nuai ah Education Board – Tedim, Education Board – Tonzang cihte hong piangkhia a tuate  kigawmin Department of Education – ZFU hong piangkhia ahi hi.

VISSION

  • Pilna tawh Zogam lam ding!

MISSION

  • Sangkahgual khempeuh amau tawh a kituak pilna le siamna sinsak theih nading.

  • Hun le mual, leitung khuasakzia tawh kituak pilna le siamnate guat zawh nading. 

  • Migitna tawh gam le nam a zuun mipil misiam tampi khansuah zawh nading.

TEDIM

  • Sangnaupang (primary, middle, high) 3,439 Sia/siama 197

TONZANG

  • Sangnaupang (မူကြို, KG, G1 to G10) 1,404 Sia/siama 70

SHORT/LONG – TERM PROJECTS PAWLKHAT 2024

Tedim

  • ToT training urgent a kisam khua 1 ah ToT nei ding 

  • Sang a ki hong zo nai lo khua 10 ah pai ding

  • G 12 textooks (100) hawm khia ding

  • Sang a ki hong sa te tawh Education Conference khat nei ding

Tonzang

  • Emergency support kisapna khua 4 sungah khua khatah sia 2 ta i khasum academic year khat ai huh zawh nading

  • ToT mun 3 ah bawl ding

SHORT/LONG – TERM PROJECTS PAWLKHAT 2025

Tedim

  • Mipi Sang 10 pan a tungsiah hon zawh nading

Tonzang

  • Mipi Sang a tawm pen 5 pan 10 ki behlap zawh na ding

  • Tedim/Tonzang Education Board pan kum khat sungah a tawmpen 2 veita vil zawh nading

  • Tedim leh Tonzang sunga sang khempeuh kipawl a Education Conference bawl zawh nading

PAN KHOP DING

Mipi Sang ah a hilh sangsiate education background

TEACHERS TRAINING (TOT)

Mipi Sangah a hilh sia/siamate pen kisapna tungtawna kipiakhia hi a, naupangte laihilh ding a ki train uh hilo hi.Sangnaupang ten quality education a ngah theih nading laihilh siate train ding (Teacher training piak ding) urgent tak in kisam hi. Sia/siama 30 intensive ToT training, ni 3 piak nading budget 5,000,000MMK kisam hi. Hi dan training kum khatin a tawmpen 10 vei kisam hi.

LAIBUPI (TEXTBOOKS)

Kumsim Sangnaupang 4,000 kim zat ding textbook te vaihawm ding kisam hi.Sangnaupang 100 textbook hawm nading laibu man leh a puakman 8,000,000MMK – 10,000,000,000MMK bang kisam hi.

TEACHER SUPPORT

Lai hong hilhsak siate pen volunteer vive hi a, a haksa zawdeuh siate panpih zo lehang naupangte laihilh ding sia kicing tuam ding hi.Sia 100 kha khatin 200,000MMK bang support ding hi lehang kha khatin 2,000,000,000MMK bang kisam ding hi.

COLLABORATION & COORDINATION

A omsa mipi sangte thahat semsem nading khat le khat kizop zel, kikawm zel kul hi.Education conference leh activitity tuamtuamte vaihawm zel kul hi.Tedim Education leh Tonzang Education board te in a hun zui-in vil zel kawm zel kul ahih manin mipi panpihna kisam mahmah hi.

image.png
image.png
image.png
image.png
image.png

Zomi Federal Union

Copyright © 2024 zomifederalunion.org

bottom of page